dansk English Om ulu.care Økologiske Urtesæber Økologiske Urtesalver Økologiske Hotelsæber Bestilling Kontakt Forhandlere Handelsbetingelser    
ulu.carep pisiniarfianut tikilluarit

Narsami suliffeqarfinnguuvugut qaqorsaatinik tarngutinillu akooruserneqanngitsunik (økologiskinik) assaannarmillu sanaajusunik 2013-imili nioqqutissiortut. Kitaamiut uluat ilisarnaatissatsitut toqqarparput, taanna ukiuni hunnorujulikkuutaani amerlasuuni kalaallit arnat sakkorisimammassuk, ilaatigut puisinik pilannermi naasunillu killuutigalugu atorluartagaat.

Qaqorsaasiavut Kalaallit Nunaata pingortitaanit minguitsumit pisuupput. Naasut assigiinngitsut atortarpavut, aammali qeqqussat issittup imartaaneersut atortarlugit. Qaqorsaasiorneq assassorluni suliaavoq pisoqarsuaq, kalaallilli kulturianni takussaanngilaq uffa naasut avatangiisitsinni nunarsuarmi mingutsinneqanngitsutuannguit ilaanni naasuusut. Sila peqqarniitsuuvoq naasullu arriitsunnguamik naajartortarput, taamaakkamillu asseqanngitsumik tipigissuseqarput.

... tamatigullu assaannavut sakkugisarpagut!

Narsami, Niels Bohrs Plads B 441-mi, pisiniarfeerannguaqarpugut, tassanilu nioqqutissiavut pisiarineqarsinnaapput. Aasakkut ammasarpugut ataasinngornermiit tallimanngornermut nal. 13-17 arfininngornermilu nal. 10-13. Ukiuunerani ammasarpugut pingasunngornikkut tallimanngornikkullu nal. 13-16.30.

   

Suliffeqarfinnik aallartitsiniartunik siunnersuisarfiup StartUp Greenlandip pikkorissaanerani unammisitsinermi
ulu.carep ajugaassutigaa qaqorsaatinik akooruserneqanngitsunik unnuisarfinnut neqeroorutissanik ineriartortitsiniarluni suliniutini.