Kuannit (Angelica archangelica)

Qaqorsaasioraangatta kuannit pilutaat kisiisa atortarpavut. Kuanneq amerluutinut katsorsaataasarpoq. Kuannit Kalaallit Nunaanni naasut ukiuni arlalinni naasartut anginersaraat. Kanaartaat 70-200 cm-inik portussuseqarput qorsunnillu sikkertarput eqimattakkuutaanik 10-20 cm-inik angissusilikkuutaanik. Eqimattakkuutaat mikinerit 15-25 mm-inik angissuseqartarput ammaloqisaajullutik.

Kuannit aalisakkanut neqinullu illugalugit nerineqartarput, aammali kisimiitillugit nerineqartarlutik. Kuannit sukkuaraliaralugillu marmeladiliarineqarsinnaapput, imermut tipigissaatigalugit inerittussaalu kaageeraliassamut akuliullugit atorneqartarlutik. Kanaartaat qalipaajariarlugit aspargesitut nerineqarsinnnaapput ooqanngitsuutillugit, qalattumut sivikitsunngamik ikillugit, sikatsillugit imaluunniit sukkumut aatsitamut ilanngullugit akugineqarsinnaallutik. Kuannit nutaaliorneri salatinut akugineqarsinnaapput.

uterit